Cyberpunk 2077 drejt realizimit me Keanu Reeves

Një film mbi “Cyberpunk 2077” pritet të realizohet së shpejti, tani që Keanu Reeves është i përfshirë në videolojë.

2019-ta do të jetë padyshim viti i Keanu Reeves. Aktori jo vetëm është rikthyer në kinema me “John Wick”, por është edhe në bisedime për disa projekte të rëndësishme. Një prej tyre është edhe “Cyberpunk 2077”.

Personazhi i tij do të jetë kyç dhe sipas krijuesit të videolojës, Mike Pondsmith, përfshirja e Reeves në të e bën adaptimin kinematografik më shumë se një mundësi.
“Nuk mund të them asgjë lidhur me të drejtat e filmit”, -tha Pondsmith gjatë një interviste. “Por, me Keanu Reeves të lidhur me projektin, është bërë më shumë se një mundësi”.