Lili Xhejms dukej vërtet si princeshë, me fustanin e saj përrallor blu. Por… në realitet, çdo minutë që aktorja kaloi brenda tij, ishte e mbushur me vuajtje, pasi korseja dhe xhuponi i veshjes ishin prej çeliku! Aktores i duhej rreth gjysmë ore për ta veshur fustanin, i cili duhet të qëndronte ngjitur pas trupit, që të krijonte linjën e belit të përsosur (megjithëse të panatyrshëm)! Vetë ajo ka rrëfyer se pjesa më e vështirë ishte xhirimi i skenës së vallëzimit me princin, pasi ai i shkelte gjithë kohës fustanin, duke bërë që skena të përsëritej shumë herë e duke e zgjatur kështu procesin stërmundues të xhirimit.