Rambo 5, filmi i radhës i Stallones

Rambo 5 është filmi i radhës për një ndër personazhet më të pëlqyer nga publiku të interpretuar nga Sylvester Stallone.

Saga vazhdon dhe aktori/skenaristi/regjisori deklaroi se personazhi ka ende ndjenja faji të mbartura nga e kaluara.

“Rambo kthehet në shtëpi në fund të kapitullit të kaluar, 11 vjet më parë. Filmi nis me një stuhi të tmerrshme, ku Rambo mundohet të shpëtojë njerëz. Bën vullnetarizëm dhe ka ndjenja faji sepse nuk mundi dot të shpëtonte shokët në Vietnam. Ka probleme me kriza të stresit post-traumatik. Jeton në një fermë, por më shumë rri në një tunel të nëndheshëm. Kujdeset për një familje që e ka braktisur i ati dhe bën gjithçka për të mbrojtur vajzën e re. Gjithë zallamahia ndodh kur vajza zbulon identitetin e vërtetë të tij dhe niset ta kërkojë në Meksikë”.