Wolverine i ardhshëm mund të jetë edhe…
Me daljen e “X-Men: Dark Phoenix” dhe blerjen e “20th Century Fox” nga “Disney” do të mbyllet përfundimisht saga e mutantëve siç njihet deri tani. Hugh Jackman i ka dhënë lamtumirën prej kohësh rolit të wolverine dhe faza e re mund të propozojë një version të ri të personazhit më ikonë të këtyre filmave.
Që nga dalja në kinema e “Logan – The Wolverine”, i James Mangold, që tronditi panoramën e “cinecomic” me ndikimin e tij autorial, nisën të qarkullonin disa emra për zëvendësimin e Jackman, por me sa duket, regjisori i “Dark Phoenix”, Simon Kinberg, ka në mendje dy kandidatë.
“Janë të paktë personazhet në historinë e “cincomic” që kanë një lidhje aq të fortë me karakterin e tyre saqë është e vështirë të imagjinosh dikë tjetër në atë rol. Nuk imagjinoj dot njeri tjetër që s’është Hugh Jackman për ta interpretuar Wolverine. Por, nëse duhet të mendoj për ndonjë aktor interesant më vjen në mendje vetëm Tom Hardy. Por, edhe Richard Madden është një aktor i madh”.