Zyrtare! “Mad Max” do të ketë vazhdime të tjera.

George Miller do të realizojë tre vazhdime të “Mad Max: Fury”, filmi i vitit 2015 me Tom Hardy e Charlize Theron. Disa probleme ligjore me “Warner Bros.” në 4 vitet e fundit e kanë penguar regjisorin australian ta zgjerojë sagën aksion post-apokaliptike, por tani gjëra me sa duket janë sheshuar.

Tre vazhdimet e “Fury Road” do të vijnë pas “Three Thousand Years of Longing”, filmi i tij i ri me protagonistë Idris Elba e Tilda Swinton. Muaj më parë, bosi i “Warner” u shpreh entuziast për vazhdimet e “Mad Max” dhe se donte me çdo kusht t’i realizonte.